د ښوونې او روزنې پوهنځي کېمیا څانګې د درېیم ټولګي محصلانو د مالیې وزرات د ګمرکونو لوی ریاست اړوند لابراتوارونو ته علمی سیر تر سره کړ
یکشنبه: د ۱۴۰۴ کال قوس/لیندۍ ۲مه او د ۱۴۴۷ جمادی الثانی ۲مه نېټه.
لوګر پوهنتون د ښوونې او روزنې پوهنځي کېمیا څانګې د درېیم ټولګي محصلانو د مالیې وزرات د ګمرکونو لوی ریاست اړوند لابراتوارونو ته د نظري زده او مسلکي څېړنو په موخه علمی سیر تر سره کړ.
دغه علمي سیر، چې د تېرې اونۍ په لړ کې لوګر پوهنتون د علمي او محصلانو چارو معاونیت اړوند د محصلانو د خدمتونو او همغږۍ مدیریت په هڅو ترتیب شوی و د ۳۰ تنو محصلانو په ګډون د ښوونې او روزنې پوهنځي د دوه تنو استادانو نوماند پوهنیار سردارولي ثاقب او پوهنیار عزیرمحمد کاکړ په لارښوونه ترسره شو.
د یاد علمي سیر په لومړيو د د ګمرکونو د لوی ریاست اړوند د لابراتوار مسئولینو سره تر ناستې وروسته د افغانستان د ګمرکونو عمومي آمر محترم استاد جبرائیل حامد لخوا محصلانو ته د یاد لابراتوار مسئولین او متخصص کادرونه چې د کېمیا څانګو څخه فارغ شوي وه ور وپېژندل شول او ترڅنګ یې معاصره نړۍ کې د کېمیا پر ارزښت او په هیواد کې د کېمیا مختصصینو ته د اړتیا او اهمیت په اړه د خبرو سربېره محصلانو ته د هر ډول همکاري ډاډ وړاندې شو.
نوموړي همدا راز محصلان و؛ هڅول تر څو کوښښ کړي د هیواد دننه د کېمیا متخصصینو شته تشې ډکې او هیوادوالو ته ښه خدمت وکړي.
تر دې وروسته د لابراتوار د بېلابېلو څانګو مسئولینو د خپل اړوند لابراتوار د معلوماتو ورکولو سربېره په لابراتوارونو کې موجوده وسائل، دستګاوې او مواد معرفي او عملاً لابراتواري تجربې لکه: (د الکولو تشخیص، د مختلفو فلزونو د نوعیت او فیصدی تعین، له ولایتي ګمرکونو د هیواد داخلي تولیدي شرکتونو څخه د را استول شوو نمونو تشخیص...) تر سره شوې.
ورته مهال یاد محصلان د ښاغلي حامد په همکاري د هیواد په سطحه مشهور تولیدي شرکت، چې د کابل اتمې ناحې اړوند نساجیو ساحه کې موقعیت لري ( حبیب ګلزار تولیدي شرکت) ته وروپېژندل شول، چې د نوموړي شرکت مسئولینو هم محصلانو ته د ښه راغلاست تر څنګ په هیواد کې د کېمیا متخصصینو ته د اړتیا او اهمیت اړوند وینا کولو سره سره د تولید ټوله( ګازي او غیر ګازي مشرباتو) پروسه تشریح او ټولې کېمیاوي پروسې یې په عملي وښودلې.
د نشراتو، اړیکو او عامه پوهاوي عمومي مدیریت.
