لوګر د لوړو زده کړو موسسه د کرکټ لوبې پیل شوې سیالي د کرنې پوهنځي په بریا سره پای ته ورسېدې!
یکشنبه: د ۱۴۰۳ کال میزان/تلې ۸مه او د ۱۴۴۶ ربیع الاول ۲۶مه نېټه.
لوګر د لوړو زده کړو موسسه کې د څلورګونو پوهنځیو تر منځ د کرکټ لوبې خپلمنځي دوستانه سیالۍ د کرنې پوهنځي په بریا سره پای ته ورسېدې.
دغه سیالۍ له تېرو څو ورځو راهیسي پیل شوې وې. لوبغاړي یې د څلورګونو پوهنځيو د بېلابېلو ټولګیو زده کړیالان وو، چې د دغې موسسې د روغتیا او ورزش کمېټې لخوا تر څار او ارزونې لاندې وې، چې د کرنې پوهنځي لوبډلې یې په ګټلو سره د بریا او پای رنګین کپ د دغې موسسې د رهبري په شتون کې پر خپلو مټو اوچت کړ.
یاده دې وي، چې په دغه تحصیلي مرکز کې دا مهال د یادو پوهنځیو تر منځ د ولیبال لوبې خپلمنځي سیالۍ هم روانې دي.
د نشراتو، اړیکو او عامه پوهاوي لوی مدیریت.
