لوګر د لوړو زده کړو موسسه کې د ناسمو رواجونو د مخنیوي په اړوند د عالیقدر امیرالمؤمنین حفظه الله تعالی فرمان د تشریح په پار غونډه ترسره شوه!
دوشنبه: د ۱۴۰۴ کال حمل/ وري ۲۵مه او د ۱۴۴۶ شوال المکرم ۱۶مه نېټه.
لوګر د لوړو زده کړو موسسه کې د دغې موسسې رهبري، استادانو، اداري کارکوونکو او زده کړيالانو ته ( د خوښۍ، ودونو، مصیبتونو او همدا راز له حج او عمرې څخه د راستنېدو پر مهال د ناسمو رواجونو د مخنيوي په هکله د عالیقدر اميرالمؤمنین حفظه الله تعالی فرمان تشریح شو.
دغه فرمان چې د قرآني مبارکو آیتونو او نبوي مبارکو حديثونو په رڼا کې جوړ شوی، په اسلامي ټولنه کې د ناسمو رواجونو هراړخيزې بېلګې او د مخنيوي دليلونه په کې ذکر شوي دي.
ياد فرمان لوګر د لوړو زده کړو موسسې د دعوت او ارشاد آمریت په هڅو په دوه برخو کې لوګر د لوړو زده کړو د موسسې رييس مفتي سيدضياءالاحمد صارم او د اسلامي ثقافت استاد پوهنیار محمد نظير محمدي لخوا په منظم او کره ډول تشريح او بيان شو.
ورته مهال په دغې غونډه کې ناستو ګډونوالو د یاد فرمان د هرکلي تر څنګ ژمنې وښودې، چې د دغه فرمان د پلي کولو په موخه به له ځان او کورنيو پيل او تر نورو اسلامي ټولنو پورې کلکې هڅې کوي.
د نشراتو، اړيکو او عامه پوهاوي لوی مدیریت
