د لوړو زده کړو وزارت د دعوت او ارشاد رییس لوګر د لوړو زده کړو موسسې له رهبري، استادانو اداري کارکوونکو او زده کړیالانو سره ځانکړې ناستې ترسره کړې!

چهارشنبه: د ۱۴۰۴ کال ثور/ غویي ۲۴مه او د ۱۴۴۶ ذوالقعده ۱۶مه نېټه.
د لوړو زده کړو وزارت د دعوت او ارشاد رییس شيـ؛؛؛خ شاکرالله وحدت د یو رسمي سفر په ترڅ کې لوګر د لوړو زده کړو موسسې له رهبري، استادانو اداري کارکوونکو او زده کړیالانو سره ځانګړې ناستې ترسره کړې.
په دغو ناستو کې ښاغلي وحدت د دغې موسسې له رهبري سره د خبرو پر مهال په اسلامي او ملي روحیه د تحصیلي او علمي خدمتونو د وړاندې کولو په اړوند ټینګار وکړ او زیاته یې کړه، چې د دې هیواد هر ځوان باید د مسلکي زده کړو تر څنګ په فکري او عقیدوي روزنه هم سمبال ټولنې ته وړاندې شي. تر دې وروسته نوموړي د دغې موسسې له اداري کارکونکو سره هم په ناسته کې د دوی ترسره کړي خدمتونه وستایل او په چارو کې یې د لاښه اخلاص او امانتدارۍ ټینګار وکړ. ورپسې ښاغلي وحدت د دغې موسسې د شرعیاتو پوهنځي له تدریسي بهیره د څارنې او ارزونې تر څنګ د لیلیې له زده کړیالانو سره هم ګډه مشورتي ناسته ترسره کړه او یادو زده کړیالانو ته یې د یو لړ اصلاحي او فکري لارښونو او سپارښتنو تر څنګ د دوی د صورت او سیرت پر جوړولو ټینګار وکړ.
په ټوله کې د لوړو زده کړو وزارت د دعوت او ارشاد رییس ښاغلي شيـ؛؛؛خ شاکرالله وحدت د دغې موسسې له تدریسي بهیر، عامه نظم او نورو پرمختګونو او لاسته راوړنو خوښي وښوده.
ورته مهال د دغې موسسې رییس مفتي سیدضیاءالاحمد صارم د لوړو زده کړو وزارت د دعوت او ارشاد رییس ښاغلي شيـ؛؛؛خ شاکرالله وحدت راتګ ته د هرکلي تر څنګ د دغې موسسې د رهبري، استادانو او اداري کارکوونکو لخوا د ښه خدمت کولو په برخه کې پوره ډاډ ورکړ او زیاته یې کړه، چې د دغې موسسې ټول مسؤلین او کاري ډله تل چمتو ده، چې د هیواد ځوان نسل ته له شته امکاناتو څخه په سالمې ګټې اخستنې د پام وړ خدمتونه وړاندې کړي.
د نشراتو، اړیکو او عامه پوهاوي عمومي مدیریت.