لوګر د لوړو زده کړو موسسه د نبوي سیرت په پار ویاړمنه غونډه ترسره شوه!
دوشنبه: د ۱۴۰۳ کال میزان/تله ۲مه او د ۱۴۴۶ ربیع الاول ۲۰مه نېټه.
د یادې غونډې ګډونوال د دغې موسسې رهبري، استادان، اداري کارکوونکي، د لوګر یو شمېر مخور دیني عالمان او د دغې موسسې ګڼ شمېر زده کړیالان وو. غونډې په پیل کې د خدای تعالی د سپېڅلي کلام د څو مبارکو آیتونو پر تلاوت د رنګینۍ شېبې خپلې کړې او ورپسې د دغې موسسې د علمي او محصلانو چارو مرستیال پوهندوی دکتور شفیق الله شفقت ښه راغلاست وینا او د غونډې څرنګوالی په ډاګه کړ. له دې سره سم د لوګر دیني عالم او د استیناف محکمې رییس مولوي روح الله عبدالسلام د اسلام د ستر پیغمبر (ص) هجرت مدینې منورې ته او همدا راز د بدر د غذا پر درسونو او عبرتونو هر اړخیزه وینا وکړه. د غونډې دویمه موضوع له پیدایښت څخه تر بعثته پورې د خوږ پیغمبر (ص)د ژوند پر حالاتو وه، چې د دغې موسسې د شرعیاتو پوهنځي رییس مولوي محمد ابراهیم حـ؛؛؛قاني یې په اړوند په زړه پورې وینا وکړه. ورپسې لوګر د لوړو زده کړو موسسې رییس مولوي ضیاءالاحمد صارم له بعثت څخه وروسته د اسلام د سپېڅلي پیغمبر (ص) پر مکي ژوند، درسونو او عبرتونو وغږېد. یادې غونډې له ځان سره نعتیه کلام هم درلود، چې د یو تن زده کړیال ذاکر عمر لخوا ترنم شو. وروستۍ موضوع هم د حضرت محمد مصطفی (ص) د ټولنیز ژوند په اړوند وه، چې د اسلامي ثقافت استاد پوهنیار فضل الربي زاهد لخوا پرې خبرې وشوې او یاده غونډه د شرعیاتو پوهنځي استاد مولوي سمیع الله محمدي لخوا د دعایې په لوستلو سره پای ته ورسېده.
د نشراتو، اړیکو او عامه پوهاوي لوی مدیریت.
