۱۱.۷. کمپیوټر زده کړې څانګه
د کمپیوټر زده کړې څانګه لوګر د لوړو زده کړو مؤسسې د ښوونې او روزنې پوهنځي په چوکاټ کې د لوړو زده کړو وزارت د (۲۲۶۸) ګڼې د وړاندیز او د ۴/ ۹/ ۱۴۴۴هـ. ق کال سره سم او د ریاست الوزرا د عالي مقام د (۳۳۰۵) ګڼې حکم د ۱۰/۹/۱۴۴۴ هـ.ق نېټې سره ایجاد او په فعالیت پیل وکړ. د کمپیوټر زده کړې څانګې د لومړي ځل لپاره د ۱۴۰۳ ه ش کال د خزاني سمستر لپاره ۸۱ تنه محصلین جذب کړل چې تر اوسه پخپلو زده کړو بوخت دي.
د کمپیوټر زده کړې څانګه په اوس مهال کې څلور تنه علمي کادر غړي لري چې له دې جملې څخه یې یو تن د کابل پوهنتون د معلوماتي تکنالوژۍ څانګه کې د ماسترۍ په برنامه کې مصروف تحصیل دی او پاتې درې تنه یې د څانګې او پوهنتون په کچه د تدریس چارې پر مخ بیايي.
لرلید
د کمپیوټر زده کړې څانګه هڅه کوي چې د معیاري تدریس په وړاندې کولو سره د هېواد په کچه یوه منل شوې څانګه وي تر څو په معاصرو مهارتونو سمبال فارغین یې د هېواد په بېلابېلو برخو کې د معیاري کړنو او نوښتونو په وسیله مثبت تغیر راوستونکي وي.
رسالت
د کمپیوټر زده کړې څانګه د معیاري تحصیلي نصاب، عصري تدریسي میتودونو، معاصرې تکنالوژۍ او څېړنیزو مهارتونو پر بنسټ سمبال ژمن، مسلکي کادرونه او ښوونکي روزي.
۱۲.۶. د کمپیوټر زده کړې څانګې د آمر بیوګرافي
نوماند پوهنیار محمد جاوید میاخیل
نوماند پوهنیار محمد جاوید میاخیل د مرحوم محمد ایاز زوی چې په ۱۳۷۵ ه ش کال د ننګرهار ولایت، حصارک غلجایي ولسوالۍ میاګانو کلي په یوه دینداره کورنۍ کې زیږيدلی، نوموړي خپلې لومړنۍ زده کړې د هجرت په دیار کې په ۱۳۸۲ کال د ګهمکول کېمپ نمبر ۲ ښوونځي د پاکستان هېواد په کوهاټ نومې سیمه کې ترسره کړي دي، له هغه وروسته له نهم صنف څخه تر دولسم صنف پورې د حضرت امام ابو حنیفه رح عالي لیسه کې چې په پاکستان هېواد کوهاټ سیمه کې موقیعت درلود شامل او په ۱۳۹۵ ه ش کال له همدې لیسې څخه په دوهمه درجه فارغ شو. استاد محمد جاوید میاخیل د لیسې له فراغت څخه وروسته په ۱۳۹۶ کال له پاکستان څخه خپل هېواد ته راستون شو. دا چې استاد په هماغه وخت کې د اقتصادي مشکلاتو له وجې سمدستي خپلو زده کړو ته ادامه نه شوه ورکولی، نو له دوه کلن ځنډ وروسته یې په ۱۳۹۸ ه ش کال د کانکور په ازموینه کې ګډون وکړ او د ۲۶۶ نمرو په ترلاسه کولو سره یې د ننګرهار پوهنتون کمپیوټر ساینس پوهنځي د سافټویر انجینرۍ څانګې ته لار ومونده. له دغه څانګې څخه په ۱۴۰۲ ه ش کال کې په اعلی درجه او کادري نمرو سره فارغ شو.
نوماند پوهنیار محمد جاوید میاخیل له خپل فراغت سره سم په ننګرهار ولایت کې د لوی ننګرهار په نوم په یو خصوصي ښوونځي کې د استاد په توګه د هېواد د بچیانو روزلو ته دوام ورکړ. له اووه میاشتني خدمت وروسته په ۱۴۰۳ ه ش کال کې د یوې ازادې رقابتي ازموینې له لارې د لوګر د لوړو پوهنتون د ښوونې او روزنې پوهنځي د کمپیوټر زده کړې څانګې ته د علمي کادر په توګه لار ومونده. دا چې استاد یو وړ، په کار پوه او تقوی دار علمي شخصیت و نو له تقرر سره سم د څانګې د غړو لخوا د رایو په یووالي د څانګې د آمر په توګه و ټاکل شو چې تر اوسه خپله دنده په پوره اخلاص او امانتدارۍ سرته رسوي. په علم، عمر او صحت دې یې برکت وي
Message of the Chancellor of Logar University
After achieving complete freedom from the oppressive occupation, our Islamic system and society need to progress in every aspect of life. For the advancement of a society, its individuals need to be equipped with both religious and modern education.
To achieve this goal, Logar University considers it its mission and responsibility to educate students who are not only committed and professional but also devoted to their faith and country. In the future, these graduates will play a constructive role in the development of their country and in achieving lofty objectives, fostering creativity and innovation.President of Logar University
