لوګر د لوړو زده کړو موسسه کې د لوګر ولایت پوهنې ریاست اړوند د ښوونکو او اداري تشو بستونو د ازموینې د بایومتریک لړۍ پیل شوه!
دوشنبه: د ۱۴۰۳ کال دلو/سلواغه ۱۵مه او د ۱۴۴۶ شعبان المعظم ۴مه نېټه.
لوګر د لوړو زده کړو موسسه کې د لوګر ولایت د پوهنې ریاست اړوند د ښوونکو او اداري تشو بستونو د ازموینې لپاره د نږدې (۱۱۰۰) تنو نوماندانو د بایومتریک لړۍ پیل شوه.
د یادې ازموینې د بایومتریک او ازموینې اړوندې چارې د ازموینو ملي ادارې لخوا د راغلې کمېټې لخوا ترسره کیږي. د دغې کمېټې د مسؤل پوهندوی امام الدین ابراهیمي په خبره، چې د دغې ازموینې لپاره نږدې (۱۱۰۰) تنو نوملیکنه کړې، چې د بایومتریک لړۍ تر بشپړېدو وروسته به یې راتلونکې چهارشنبه د روان ۱۴۰۳ کال دلوې/سلواغې ۱۷مه نېټه ازموینه هم لوګر د لوړو زده کړو موسسې واخستل شي. ورته مهال لوګر د لوړو زده کړو موسسې رهبري هم د ازموینو ملي ادارې لخوا د راغلې کمېټې غړو او د ازموینې ګډونوالو ته په اړونده برخه کې د دغې موسسې د شته امکاناتو له اړخه د بشپړې همکاري ډاډ ورکړ.
د نشراتو، اړیکو او عامه پوهاوي لوی مدیریت.
