د شرعیاتو پوهنځي او د لوګر ولایت د عدلیې ریاست تر منځ د ګډو همکاریو هوکړه لیک لاسلیک شو!
دوشنبه: د ۱۴۰۴ کال سبنلې/ وږي ۱۷مه او د ۱۴۴۷ربیع الاول ۱۵مه نېټه.
لوګر پوهنتون د شرعیاتو پوهنځي او د لوګر ولایت د عدلیې ریاست تر منځ د ګډو همکاریو هوکړه لیک د لوګر پوهنتون رئیس مفتي سید ضیاءالاحمد صارم او د عدلیې رئیس الحاج مولوي خلیل الرحمن حنفي لخوا لاسلیک شو.
دغه هوکړه لیک په داسې حال کې د دواړو لوریو لخوا لاسلیک شو، چې د شرعیاتو پوهنځي رئیس شیـ؛؛؛خ مولوي محمد ابراهیم حقـ؛؛؛اني او د دواړو ادارو یو شمېر مسؤلینو او اداري کارکوونکو شتون درلود.
په دغه هوکړه لیک کې په ډاګه شوي، چې ښکېل لوري به د اړتیا پر وخت د محصلانو، استادانو او مدافع وکیلانو لخوا د څېړنو په چارو کې دوه اړخیزې همکارۍ کوي او د علمي کنفرانسونو د ترتیبولو او وړاندې کولو په برخه کې به په ګډه کار کوي. د دې تر څنګ به دواړه لوري له اړوندو کتابتونونو د مطالعې په موخه ګټه اخلي او همدا راز د عدلیې ریاست له لوري به دارالوکالو ته د زده کړو په موخه د شرعیاتو پوهنځي محصلان ورپېژندل کیږي.
باید وویل شي، چې تېره اونۍ هم دې ته ورته لوګر پوهنتون د شرعیاتو پوهنځي او د لوګر ولایت د استیناف محکمې تر منځ هم د دوه اړخیزو همکاریو په موخه هوکړه لیک لاسلیک شو.
د نشراتو، اړیکو او عامه پوهاوي عمومي مدیریت.
