لوګر د لوړو زده کړو موسسه کې د نوي جوړېدونکي لوی جومات د جوړېدو چارې په چټکۍ روانې دي!
یکشنبه: د ۱۴۰۳ کال قوس/لیندۍ ۱۱مه او د ۱۴۴۶ جمادی الاول ۲۹مه نېټه.
لوګر د لوړو زده کړو موسسه کې د نوي جوړېدونکي لوی جومات د جوړېدو چارې په چټکۍ روانې او تر دا مهاله ېې خواوشا (۳۰سلنه) کارونه ترسره شوي.
یاد لوی جومات په دغه تحصیلي او علمي مرکز کې د هیواد د یوتن ملي سوداګر لخوا د نوموړي په شخصي مالي لګښت په پاخه او اساسي ډول جوړیږي. دغه جومات چې د خواوشا (۲۰۰۰) دوره زره لمونځ کوونکو لپاره به بسنه کوي د جوړېدو چارې به یې د یو کال په اوږدو کې بشپړې شي. د دغه جومات تر څنګ د اوداسه لپاره مناسب ځایونه، د سړو او تودو اوبو منظم سیستم او همدا راز د جومات سره څېرمه د زده کړیالانو لپاره د سالمې تفرېح او مطالعې پارکونه هم په پلان کې نیول شوي، چې د جومات له جوړېدو سره په یو وخت یې چارې بشپړیږي.
لوګر د لوړو زده کړو موسسې رییس مولوي ضیاءالاحمد صارم د یاد جومات د جوړېدو له چارو د لیدنې او څارنې پر مهال د اړوند قراردادي شرکت له کارکوونکو د مننې تر څنګ له دوی څخه د ښه او باکیفیته کار کولو هیله وښوده.
د نشراتو، اړیکو او عامه پوهاوي لوی مدیریت.
