لوګر د لوړو زده کړو موسسه کې د امر باالمعروف او نهی عن المنکر قانون د تنفیذ په موخه څلور کسیزه کمیټه جوړه شوه!
دوشنبه: د ۱۴۰۳ کال دلو/سلواغه ۸مه او د ۱۴۴۶ رجب المرجب ۲۶مه نېټه.
لوګر د لوړو زده کړو موسسه کې د امر باالمعروف او نهی عن المنکر قانون د تنفیذ په موخه د دغې موسسې د رییس مولوي ضیاءالاحمد صارم په مشري څلور کسیزه کمېټه جوړه شوه.
دغه کمېټه د دغې موسسې د دعوت او ارشاد آمر مولوي خلیل احمد نثار سربېره یو شمېر نور ځانګړي غړي هم لري، چې د دغې موسسې دننه به د دیني او اخلاقي ارزښتونو د ساتنې ، هر ډول فساد، بد اخلاقۍ او نورو ناوړه عملونو د مخنيوي په موخه لازمې اصلاحي چارې ترسره کوي.
باید وویل شي، چې له دې وړاندې هم د دغې موسسې ټولو اداري او کادري غړو او په ځانکړي ډول زده کړیالانو ته د دغه تحصیلي مرکز د دعوت او ارشاد آمریت لخوا په منظم ډول اصلاحي، فکري او عقیدوي درسونه روان دي.
د نشراتو، اړیکو او عامه پوهاوي لوی مدیریت.
