لوګر د لوړو زده کړو موسسه کې د نیالګیو کېنولو لړۍ پیل شوه
یکشنبه: د ۲۷ / ۸ / ۱۴۴۴ او ۲۸ / ۱۲ / ۱۴۰۱ نېټه.
لوګر د لوړو زده کړو موسسه.
دفتر مدیریت.
لوګر د لوړو زده کړو موسسه کې د پوهنتون د زرغونتیا او ښېرازۍ په موخه د پسرلي موسم په رارسېدو سره د نیالګیو کېنولو لړۍ پیل شوه.
د دې لړۍ د پرانیستې په مراسمو کې لوګر د لوړو زده کړو موسسې رییس پوهنمل دکتور شفیق الله شفقت، علمي او محصلانو چارو مرستیال پوهنیار ګل رحمن صابر، مالي او اداري مرستیال انجنیر محمد زبیر حقمل، د پوهنځیو رییسانو، استادانو، اداري کارکوونکو او د دغې موسسې زده کړیالانو برخه اخستې وه.
د نیالګیو له کېنولو مخکې د دغې موسسې رییس ټولو ګډونوالو ته د نیال کېنولو او د پوهنتون زرغونولو او ابادولو په اړوند ارزښمنې خبرې وکړې، نوموړي نیال کېنول د طبیعت ښکلا او د انسانانو ستر مسؤلیت وباله.
په پای کې د دغې موسسې د رییس په مشرۍ ټولو ګډونوالو د د نیالګیو په کېنولو پیل وکړ.
