لوګر د لوړو زده کړو موسسې نویو ګمارل شویو استادانو ته د وړتیا لوړونې په برخه کې دوه بېلابېل سمینارونه وړاندې شول!
سه شنبه: د ۱۴۰۴کال سرطان/چنګاښ ۲۴مه او د ۱۴۴۷محرم الحرام ۱۹مه نېټه.
لوګر د لوړو زده کړو موسسې نویو ګمارل شویو استادانو ته د دغې موسسې د کرنې پوهنځي رییس پوهنیار فواد ناصري لخوا د وړتیا لوړونې په برخه کې دوه بېلابېل روزنیز سمینارونه وړاندې شول.
د دغو سمینارونو په پیل کې لوګر د لوړو زده کړو موسسې رییس مفتي سید ضیاءالاحمد صارم وویل، چې په تحصیلي مرکزونو کې د استادانو لخوا علمي څېړنې اساسي ځای خپلوي او د پوهنتون د استادانو لپاره علمي څېړنې د تدریس سره سره ستر مسؤلیت او مکلفیت دی. ښاغلي صارم همدا راز د علمي څېړنو ارزښت ته په کتو زیاته کړه، چې علمي څېړنې زمونږ د مبارک دین او ټولنې اساسي غوښتنه او اړتیا ده، چې باید وړ کسان یې په پوره اخلاص سره پوره کړي او پر استادانو یې ټینګار وکړ، چې له داسې ګټورو سمینارونو پوره او سالمه ګټه پورته کړي.
ورپسې د کرنې پوهنځي استاد ښاغلي پوهنیار فواد ناصري د ( آشنایی با چگونگی جمع آوری داده¬های تحقیق) او همدا راز د ( آشنایی با چگونگی تهیه پرسشنامه الکترونیکی توسط گوگل فارم) تر سرلیکونو لاندې ارزښتمن سمینارونه وړاندې شول.
د نشراتو، اړیکو او عامه پوهاوي عمومي مدیریت.
