د شرعیاتو پوهنځې نویو زده کړیالانو ته د ښه راغلاست تر څنګ خپل مخکښ زده کړیالان وستایل!
دوشنبه: د ۱۴۰۴کال سنبلې/ وږي ۱۰مه او د ۱۴۴۷ ربیع الاول ۸مه نېټه.
لوګر پوهنتون د شرعیاتو پوهنځي نویو زده کړیالانو ته د ښه راغلاست تر څنګ د ۱۴۰۴ کال پسرلني سمستر مخکښ زده کړیالان د یوې غونډې په ترڅ کې وستایل.
د غونډې پیل د قاري حکمت الله حکیمي په ښایسته تلاوت سره وشو او ورپسې وینا کې د لوګر پوهنتون رییس مفتي سید ضیاءالاحمد صارم د یاد پوهنځي زده کړیالان صورت او سیرت جوړونې له اړخه د ټول پوهنتون په کچه یوه بېلګه وښودل. ښاغلي صارم زده کړیالانو ته په ډاګه کړه، چې تر بل هر وخت ورته د عصري او دیني زده کړو زمینه برابره ده او همدا راز د پوهنتون ټول شته امکانات دا مهال د ځوان نسل پر سالمې روزنې کارول کیږي.
ورپسې د لوګر ولایت د استیناف محکمې رئیس شیـ؛؛؛خ مولوي محمد ګلاب د علمي پر ارزښت او اړتیا خبرې وکړې او زیاته یې کړه، چې علم په اسلامي شریعت کې خورا زیات اهمیت او ځانکړی ځای لري او د دې تر څنګ و علم پر مټ انسانان د ښې او غوره شخصیت جوړونې او انساني کرامت امتیاز خپلولای شي.
یادې غونډې نویو زده کړیالانو د کردیټ سیستم او نظم او ډسپلین لایحې تر تشریح او همدا راز مخکښو زده کړیالانو ته د ستاینپاڼو تر وېش وروسته د شرعیاتو پوهنځي د رئیس شیـ؛؛؛خ مولوي محمد ابراهیم حقـ؛؛؛اني لخوا د دعایې په لوستلو سره پای وموند.
د نشراتو، اړیکو او عامه پوهاوي عمومي مدیریت.
