د جنرال مبین خان لخوا یوه حلقه د پاکو اوبو څاه لوګر د لوړو زده کړو موسسه کې تر کیندلو وروسته ګټې اخستنې ته وسپارل شوه!
سه شنبه: د ۱۴۰۳ کال میزان/تلې ۲۴مه.
د هیواد مخکښه څهره جنرال مبین خان لخوا د نوموړي په شخصي مالي لګښت لوګر د لوړو زده کړو موسسه کې د پاکو اوبو يوه حلقه څاه تر کیندلو وروسته ګټې اخستنې ته وسپارل شوه.
د یادې څاه د کیندنې چارو د پیل پرمهال لوګر د لوړو زده کړو موسسې رهبري، د لوګر د علماوو شورا رییس شیخ مولوي محمد شریف او جنرال مبین خان شتون درلود.
د ښاغلي مبین خان په خبره، چې له یادې څاه څخه، چې څه باندې ۱۰۰ سل متره ژوروالی لري، موخه یې دغه تحصیلي مرکز ته د هیوادنۍ مینې له اړخه خدمت او همدا راز د دغې موسسې د شنو ساحو، ونو او بوټو خړوبول او ښېرازي ده.
ورته مهال لوګر د لوړو زده کړو موسسې رهبري هم د ښاغلي جنرال مبین خان له یادې همکاري مننه وکړه. او د نوموړي د دې ته ورته خدمتونو ستاینه یې وکړه.
د نشراتو، اړیکو او عامه پوهاوي لوی مدیریت.
