لوګر پوهنتون کې د لوی جومات د جوړېدو چارې ۸۵ سلنه ترسره شوي دي
یکشنبه: د ۱۴۰۴ کال عقرب/لړم ۱۱مه او د ۱۴۴۷ جمادی الاول ۱۱مه نېټه.
لوګر پوهنتون کې د لوی جومات د جوړېدو چارې په پاخه او اساسي ډول روانې او ۸۵سلنه یې ترسره شوي دي.
دغه لوی جومات، چې د هیواد د یو تن ملي سوداګر لخوا د نوموړي په شخصي لګښت جوړیږي، چارې یې په چټکۍ روانې او د مسلکي انجنیرانو تر څار او ارزونې لاندې دي.
یاد جومات په خپل څنګ له خورا ښایسته ظاهري بڼې، لوړ منار او د اودسونو لپاره له ځانکړیو ځایونو څخه هم برخه من دی. د دغه جومات د جوړېدو د بنسټ ډبره په داسې حال کې کېښودل شوې، چې په یو وخت کې به د (۲۰۰۰) دوه زره لمونځ کوونکو لپاره به د بسنې تر څنګ باندېنیو ساحو کې مناسب تفریحي پارکونه او شنې ساحې هم ولري.
باید وویل شي، چې د دغه لوی جومات په جوړېدو سره لوګر پوهنتون محصلانو، او اړوندې کاري ډلې ته د خورا لوی جماعت لمانځه او همدا راز د ډېری اصلاحي، فکري او علمي مجلسونو د ترسره کېدو لپاره مناسب ځای برابر شي.
د نشراتو، اړیکو او عامه پوهاوي عمومي مدیریت
