لوګر د لوړو زده کړو موسسه کې د ۱۴۰۴ کال عمومي کانکور د لومړۍ ورځې ازموينه واخستل شوه!
چهارشنبه: د ۱۴۰۴ کال جوزا/ غبرګولي ۷مه او د ۱۴۴۶ ذوالقعده ۳۰مه نېټه.
لوګر د لوړو زده کړو موسسه کې د ۱۴۰۴ کال عمومي کانکور د لومړۍ ورځې ازموينه لوګر د لوړو زده کړو موسسې د رهبري او د ازموينو ملي اداري لخوا د راغلي پلاوي او د دغې موسسې د استادانو له منظمې څارنې سره سمه شوه.
د ازموينې د پرانیستې په مهال د دغې موسسې رییس مولوي ضیاءالاحمد صارم په خپلو خبرو کې د ازموينې ګډونوالو د ازموينې پر روڼتیا او د دغې موسسې د شته امکاناتو په برخه کې د پوره همکارۍ ډاډ ورکړ. د دې تر څنګ د ازموينو ملي اداري د تخنيکي چارو رييس قاضي عبدالعزيز عزيزي هم د ازموينو ملي ادارې پر مسؤليتونو خبرې وکړې او د دې ترڅنګ یې د پوښتنپاڼې پر څرنګوالي او د دغې پروسې پر روڼتيا ګډونوالو ته ډاډ وړاندې کړ.
ورته مهال .د لوګر مرستیال والي الحاج مولوي محمدانور «دینپرور» د عصري او ديني علومو په ارزښت هر اړخيزه وينا وکړه او په خپلو خبرو کې یې د هېواد په پرمختګ کې د عصري علومو د ښې مطالعې په موخه یادونه وکړه، چې نړۍ د ساینس او ټکنالوژۍ پر اساس پرمخ تللې، نو راځئ، په افغانستان کې چې د ساینس او ټکنالوژۍ کومه تشه لیدل کیږي، تاسو د علم حاصلولو له برکته دغه تشه ډکه کړئ او د هېوادوالو د خدمت جوګه وګرځئ.
د لوګر مرستیال والي زياته کړه، د علم ترلاسه کولو او ورباندې عمل او اخلاص کول لازم او ملزوم ګنل کیږی، چې باید هر زدهکوونکی او زده کړیال له دغو دریو ځانګړتیاو څخه خالي ؤ نه اوسي.
بايد وويل شي، چې د دغې ازموينې لپاره سږکال په لوګر کې «۲۴۵۲» تنو نوملیکنه کړې ده، چې د تېر ۱۴۰۳ لمريز کال د دولسمو ټولګیو فارغان، د مخکنیو کلونو متفرقه او د دیني مدرسو د عاليې او خامسې دورو اړوند طالبعلمان دي، چې ازموينه به يې روانې درې ورځې دوام وکړي.
د نشراتو، اړيکو او عامه پوهاوي عمومي مديريت.
