لوګر د لوړو زده کړو موسسه کې د افتخاري شيوخو لخوا ځانګړي درسونه د بېلابېلو موضوع ګانو په وړاندې کولو سره پای ته ورسېدل!
چهارشنبه: د ۱۴۰۳ کال قوس/لیندۍ ۱۴مه او د ۱۴۴۶ جمادی الثاني ۲مه نېټه.
لوګر د لوړو زده کړو موسسه کې د افتخاري شيوخو ځانګړي درسونه د لوګر ولایت د علماوو شورا رییس ښاغلي شیخ مولوي محمد شریف لخوا د(زهد او تقوا، په معاصرو قضایاوو کې د ځوانانو مسؤلیتونه، د امام ابو حنیفه رح د مذهب تدوین، د اسلامي شريعت مقاصد او اهداف) موضوع ګانو په وړاندې کولو سره پای ته ورسېدل!
ورته مهال د دغې موسسې رییس مولوي ضیاءالاحمد صارم ياد درسونه د دغې موسسې د رهبري، استادانو، اداري کارکوونکو او زده کړيالانو لپاره خورا اړین او ګټور یاد کړل او د ښاغلي شیخ مولوي محمد شريف څخه يې د مننې تر څنګ د نوموړي دغه ستر خدمت پر دغې موسسې خورا لويه لورینه یاده کړه.
د نشراتو، اړیکو او عامه پوهاوي لوی مدیریت.
