د کرنې پوهنځي ۱۰ تنو محصلانو د لوګر ولایت د چاپېریال ساتنې ریاست په ملتیا ۳۰ ورځنۍ د مسلکې کار زده کړې دوره او ۱۰ ورځنی علمي سير تر سره کړه
شنبه: د ۱۴۰۴کال قوس/ لیندۍ ۱لومړۍ او د ۱۴۴۷ جمادی الثانی ۱لومړۍ نېټه.
لوګر پوهنتون د کرنې پوهنځي د څلورم ټولګي ۱۰ تنو محصلانو د لوګر ولایت د چاپېریال ساتنې ریاست په ملتیا ۳۰ ورځنۍ د مسلکې کار زده کړې دوره او لس ورځنی علمي سير ترسره کړ.
د لوګر پوهنتون د علمي او محصلانو چارو معانیت اړوند د محصلانو د خدمتونو او همغږۍ مدیریت په خبره، چې یادو محصلانو د دغه پوهنتون د رهبري او د لوګر ولایت د چاپېریال ساتنې ریاست په همغږیو یاده د مسلکي کار زده کړې روزنیزه دوره او علمي سيرکړ.
د دغه مدیریت په خبره، چې په تېرو دېرشو ورځو مسلکي کار ده کړې او لس ورځې علمي سير کې یادو محصلانو د ارزونو او پلټنو په برخو کې د لوګر ولایت له یو شمېر روغتیایي مرکزونو او محمدآغې ولسوالۍ کې له صنعتي پارک او فعالو فابریکو څخه لیدنې ترسره کړي، چې تر بشپړېدو ورسته یادو ۱۰ تنو محصلانو ته د لوګر ولایت د چاپېریال ساتنې ریاست لخوا رسمي تصدیق پاڼې هم ورکړل شوې دي.
د نشراتو، اړیکو او عامه پوهاوي عمومي مدیریت.
