لوګر د لوړو زده کړو موسسې رییس د شرعیاتو پوهنځي له اداري او اکاډمیکو چارو لیدنه او ارزونه وکړه!
چهارشنبه: د ۱۴۰۳ کال کب/حوت ۲۹مه او د ۱۴۴۶ رمضان المبارک ۱۹مه نېټه.
لوګر د لوړو زده کړو موسسې رییس مولوي ضیاءالاحمد صارم د دغې موسسې د شرعیاتو پوهنځي له اداري او اکاډمیکو چارو څخه لیدنه او ارزونه وکړه.
د دغې لیدنې او ارزونې پر مهال ښاغلي صارم د یاد پوهنځي ټول استادان او اداري کارکوونکي په خپلو دندو کې د پوره اخلاص، زهد/ تقوا او اطاعت کولو په ترسره کولو سره مسؤل یاد کړل او د دوی مسلکي او شرعي مسؤلیت یې نسبت د نورو ادارو کارکوونکو ته خورا ارزښتمن او ځانګړی وښود. نوموړي همدا راز د ياد پوهنځي د تېر يوه کال اکاډميکو ترسره شوې چارې مثبتې او ښې يادې کړې او د راتلونکي لپاره يې په اړوندو برخو کې يو لړ لازمې سپارښتنې هم وکړې. نوموړي همدا راز د یاد پوهنځي استادانو ته دوی د ستر مسؤليت پېژندلو او په ښه ډول سرته رسولو تر ټینګار کولو وروسته د دوی ستونزې او وړاندیزونه هم واورېدل.
باید وویل شي، چې دغه ارزونه د یو منظم چک لېست په اساس ترسره کیږي، چې د دغې موسسې د پلان او احصایې، د کارکوونکو چارو، محصلانو چارو او همدا راز د نشراتو اړیکو او عامه پوهاوی عمومي مدیران یې ملتیا کوي.
د نشراتو، اړیکو او عامه پوهاوي لوی مدیریت
