لوګر پوهنتون مالي او اداري مرستيال په دغه پوهنتون کې د روانو رغنيزو پروژه له چارو ليدنه او څارنه وکړه؛
سه شنبه؛ د ۱۴۰۴ کال عقرب/ لړم ۱۳مه او د ۱۴۴۷ جمادی الاول ۱۳مه نېټه.
لوګر پوهنتون مالي او اداري مرستيال مولوي فضل الربي مصطفی د کارونو د ښه کيفيت او معياريتوب په موخه په دغه پوهنتون کې د روانو رغنيزو پروژو له چارو ليدنه او څارنه وکړه.
ښاغلي مصطفی د روانو رغنيزو پروژو په لړ کې د داخلي سړکونو او همدا راز د ليليې لپاره د خوړنځای او د غونډو تالار د جوړېدو له چارو د ليدنې ترڅنګ اړوندو کارکوونکو ته په کارونو کې د ښه دقت او معياري کړنو د ترسره کولو په اړه لازمې سپارښتنې وکړې.
بايد وويل شي، چې لوګر پوهنتون کې دا مهال د رغنيزو پروژو له اړخه د داخلي سړکونو د جوړېدو چارې ۲۵ سلنه او همدا راز د ليليې د خوړنځای او غونډو تالار د جوړېدو چارې ۸۸ سلنه ترسره شوي دي.
د نشراتو، اړيکو او عامه پوهاوي عمومي مدیریت.
