لوګر د لوړو زده کړو موسسې رییس د دغې موسسې د لیلې لپاره د خوړنځای او ګدام د جوړېدو له چارو لیدنه وکړه
سه شنبه: د ۱۴۰۴ کال حمل/ وري ۱۰مه او د ۱۴۴۶ شوال المکرم ۱۹مه نېټه.
لوګر د لوړو زده کړو موسسې رییس مولوي ضیاءالاحمد صارم د دغې موسسې د لیلې لپاره د خوړنځای او ګدام د جوړېدو له چارو د لیدنې تر څنګ په دغه موسسه کې د (۳۰۰۰) تازه کښېنول شویو نیالګیو له ساحې هم لیدنه او څارنه وکړه.
په دغو لیدنو کې د دغې موسسې رییس د لیلیې د خوړنځای او ګدام د جوړېدو په برخه کې د اړوند قرارداي شرکت پر مسؤلینو د ښه او معیاري کار ترسره کولو ټینګار وګړ، چې د قرارداي شرکت د مسؤلینو لخوا هم په یاده برخه کې بشپړ ډاډ ورکړل شو. د دې ترڅنګ د دغې موسسې رییس په دغه تحصیلي مرکز کې د (FGA) موسسې لخوا د (۳۰۰۰) تازه کښېنول شویو نیالګو له ساحې هم لیدنه او څارنه وکړه. نوموړي په یاده ساحه کې د نیالګیو پر زرغونتیا بې سارې خوښي وښوده او د یادې ساحې اړوندو خدماتي کارکوونکو ته یې د نیالګیو د ښې پالنې او اوبو پر وخت رسونې په اړه ټینګار وکړ.
یاده دې وي، چې د دغې موسسې د لیلیې لپاره د خوړنځای او ګدام په جوړیدو سره د لیلیې مېشتو زده کړیالانو ته د پام وړ آسانتیاوې او امکانات برابر شي او د دې تر څنګ به د دغې موسسې په انګړ کې د تازه کښېنول شویو نیالګیو زرغونتیا او طبعي سیوري د ټولو زده کړیالانو لپاره د ښې مطالعې، سالمې تفرېح او طبعي هوا د خوند اخستنې زمینه برابره کړي.
د نشراتو، اړیکو او عامه پوهاوي لوی مدیریت
