د ښوونې او روزنې پوهنځي د څلورمو ټولګیو محصلانو ته (د مونوګراف لیکنې لارښود) تر سرلیک معلوماتي سمینار وړاندې شو؛

چهارشنبه: د ۱۴۰۴ کال عقرب/ لړم ۲۱مه او د ۱۴۴۷ جمادی الاول ۲۱مه نېټه.
لوګر پوهنتون د ښوونې او روزنې پوهنځي د څلورمو ټولګیو محصلانو ته (د مونوګراف لیکنې لارښود) تر سرلیک معلوماتي سمینارد ریاضي څانګې استاد پوهنمل عبدالصبور فیضي لخوا وړاندې شو.
د سمینار په پیل کې د ښوونې او روزنې پوهنځي رئیس پوهنمل ابراهیم نوري د سمینار په ارزښت خبرې وکړي او زیاته یې کړه، چې موخه یې له دا ډول سمینارونو څخه د محصلینو د څېړنیزو مهارتونو لوړول، د علمي تحقیق د معیارونو پېژندنه، او د څېړنیزو کارونو د سمو تګلارو روښانه کول دي.
نوموړي همدا راز وویل، چې مونوګراف د محصل د څلور کلنې تحصیلي دورې علمي او فکري حاصل ګڼل کېږي او دا یوازې یوه لیکنه نه ده، بلکې یو علمي امانت دی، چې د علم، مهارت او مسؤلیت څرګندونه کوي. هغه محصل چې خپل مونوګراف په دقت، صداقت او علمي اصولو سره لیکي، نه یوازې خپله علمي وړتیا ثابتوي؛ بلکې د پوهنتون او ټولنې لپاره هم یوه روښانه بېلګه ګرځي.
د نشراتو، اړیکو او عامه پوهاوي عمومي مدیریت.