د ازموينو عمومي کمېټې د پوهنځيو له فرعي کمېټو او ازموينو له بهير څخه ليدنه او څارنه وکړه
چهارشنبه: د ۱۴۰۴ کال قوس/ ليندۍ ۱۲مه او د ۱۴۴۷ جمادی الثاني ۱۲مه نېټه.
لوګر پوهنتون د ازموينو عمومي کمېټې د دغه پوهنتون د علمي او محصلانو چارو مرستیال پوهندوی مولوي ميرويس ستانکزي په مشري د پوهنځيو له فرعي کمېټو او ازموينو له بهير څخه ليدنه او څارنه وکړه.
له يادې ليدنې او څارنې څخه موخه د روان ۱۴۰۴ کال خزاني سمستر د پای ازموينو روڼتيا، د وخت په پام کې نيول، ستونزې او ننګونو اورېدل او ځينې لازمې لارښوونې او سپارښتنې وې.
د نشراتو، اړيکو او عامه پوهاوي عمومي مدیریت.
