لوګر پوهنتون محصلانو (د ځوان نسل فکري روزنې کتاب) سيالۍ ډله ييزه ازموينه ورکړه؛
سه شنبه؛ د ۱۴۰۴ کال عقرب/ لړم ۱۳مه او د ۱۴۴۷ جمادی الاول ۱۳مه نېټه.
لوګر پوهنتون د څلورګونو پوهنځيو محصلانو (د ځوان نسل فکري روزنې کتاب) سيالۍ ډله ييزه ازموينه په خورا لېوالتيا سره وکړه.
دغه سيالۍ د لوړو زده کړو وزارت د محصلانو د خدمتونو اوهغږۍ رياست په رسمي سپارښتنې او همدا راز د لوګر پوهنتون د رهبري، دعوت او ارشاد آمريت، د محصلانو د خدمتونو او همغږۍ عمومي مديريت او د پوهنتون د کلتوري کمېټې په ګډو همکاريو او هڅو ترسره شوه.
د يادې سيالۍ د ازموينې پرمهال لوګر پوهنتون رئيس مفتي سيدضياءالاحمد صارم محصلانو ته د دغې ازموينې څخه موخه د دوی فکري رغښت او سالمه روزنه ياده کړه. ښاغلي صارم ټینګار وکړ، چې له پوهنتون هر فارغ ځوان بايد په پوره معنا په اسلامي او ملي فکر سمبال روزل شوی وي او هېڅ وخت په خپله ټولنه کې پرديو او باطلو فکرونو ته ځای ور نه کړي.
بايد وويل شي، چې د يادې سيالۍ د ازموينې پوښتنپاڼې او ځواب پاڼې د يوې ځانګړې ټاکل شوې کمېټې لخوا کتل کيږي، چې د پايلو په صورت کې یې مخکښو محصلانو ته د پام وړ ډالۍ هم ورکول کيږي.
د نشراتو، اړيکو او عامه پوهاوي عمومي مدیریت.
