لوګر پوهنتون اداري کارکوونکو ( په اداره کې د معلوماتي تکنالوژي بنسټیز مهارتونه) تر سرلیک لاندې روزنیز او معلوماتي سمینار وړاندې شو!

پنجشنبه: د ۱۴۰۴ کال سنبله/ وږي ۲۷مه او د ۱۴۴۷ ربیع الاول ۲۵نېټه.
لوګر پوهنتون ټولو اداري کارکوونکو ته ( په اداره کې د معلوماتي تکنالوژي بنسټیز مهارتونه) تر سرلیک لاندې روزنیز او معلوماتي سمینار د دغه پوهنتون د معلوماتي تکنالوژي عمومي مدیریت په نوښت ترتیب او وړاندې شو.
په دغه روزنیز او معلوماتي سمینار کې په اداري چارو کې د معلوماتي تکنالوژي د کارونې او اغیز په اړوند ارزښتمن او اړین معلومات راغونډ شوي وو، چې د معلوماتي تکنالوژي عمومي مدیر انجنیر مصطفی کریمي او تکنېشن مدیر انجنیر محمد کریم صادق لخوا په منظم ډول وړاندې شول.
یاد روزنیز سمینار د دغه تحصیلي مرکز ټولو اداري کارکوونکو خورا ګټور وباله او په راتلونکي کې یې هم د ورته سمینارونو د ترتیب او وړاندې کېدو غوښتنه وکړه.
د نشراتو، اړیکو او عامه پوهاوي عمومي مدیریت.